Shymkentte 4 adamdy úıdiń qabyrǵasy basyp qalǵan, ekeýi qaza boldy

ShYMKENT. QazAqparat - Shymkentte 4 adamdy úıdiń qabyrǵasy basyp qalǵan. Saldarynan ekeýi oqıǵa ornynda mert boldy, dep habarlaıdy QazAqparat tilshisi.

Qalalyq TJD baspasóz qyzmetiniń málimetinshe, qaıǵyly oqıǵa keshki saǵat 18:25- jeke nysandy buzý kezinde oryn alǵan. Tórt adam týystarynyń eski úıin buzyp jatqan kezde bıiktigi úsh metrge jýyq baspananyń qabyrǵasy qulap ketken.

«Oqıǵa ornynda 46 jáne 33 jastaǵy eki adam kóz jumdy. Jedel-qutqarý jasaǵynyń 6 qutqarýshysy marqum bolǵandardyń denesin jáne bir zardap shekken adamdy qulaǵan qabyrǵa astynan shyǵaryp alǵan. Budan bólek, taǵy eki jumysshy túrli jaraqattarmen aýrýhanaǵa jatqyzyldy», - delingen habarlamada.

Dárigerler naýqastardyń biri bas mı jáne synyq jaraqatyn alǵanyn aıtady. Ekinshisinde de bas mı jaraqaty men mı shaıqalýy anyqtalǵan. Súıegi birneshe jerinen synǵan. Qazirgi tańda olardyń jaǵdaıy turaqty.