Shymkentte 3D formatyndaǵy jaıaý júrginshi joly salyndy

KELES. QazAqparat - Elimizde alǵashqy 3D formatyndaǵy jaıaý júrginshi joly Shymkentte paıda boldy. Bul erekshe júrginshiler jolaǵy «Shymkent» áleýmettik-kásipkerlik korporatsııasynyń bastamasymen salynǵan, dep habarlaıdy QazAqparat tilshisi.

Jaıaý júrginshi joly qalanyń ortalyǵyndaǵy Aıbergenov kóshesinde paıda boldy. Buǵan deıin atalǵan kóshede jaı ǵana belgi bar edi. Korporatsııanyń basqarma tóraǵasy Rashıd Aıýpovtyń aıtýynsha, úsh ólshemdi tańba ıdeıasyn ol shetelden alǵan.

«Shymkent - jol qozǵalysy óte qarqyndy damyǵan qala. Bul ýchaske júrgizýshiler nazaryn ózine aýdartatyn erekshe qosymsha belgi bolady dep úmittenemin. Mundaı tájirıbeler batysta qaıǵyly oqıǵalar sanyn birneshe ret qysqartýǵa múmkindik berdi», - deıdi Rashıd Aıýpov.