Shymkentte 36 myńnan astam múmkindigi shekteýli azamatqa áleýmettik qoldaý kórsetilýde
ShYMKENT. QazAqparat – Shymkentte 36 myńnan asa múmkindigi shekteýli azamatqa áleýmettik qoldaý kórsetilýde. Sala mamandary qımyl-qozǵalysy nasharlaǵan 3 147 azamatty protezdik-ortopedııalyq kómekpen jáne tehnıkalyq kómekshi quraldarmen qamtamasyz etkenin aıtady, dep habarlaıdy QazAqparat tilshisi.
Qalalyq jumyspen qamtý jáne áleýmettik qorǵaý basqarmasynyń málimetinshe, qazirgi tańda shaharda 3 myńnan asa birinshi toptaǵy jáne 26 myńnan asa jarymjan jan turady. Al, 18 jasqa deıingi 5 993 múgedek bala áleýmettik qorǵaýǵa alynǵan.
Bıylǵy jyldyń 11 aıynda basqarma múmkindigi shekteýli azamattarǵa áleýmettik qoldaý kórsetý boıynsha aýqymdy jumys júrgizgen. 7 469 azamatqa sýrdotehnıkalyq, tıflotehnıkalyq, gıgıenalyq quraldar jáne estý apparattary berilgen.
661 múgedekke qol arba taratylyp, jeke kómekshi men ymdaý tili mamandary 1 922 azamatqa qyzmet kórsetti. Sondaı-aq, 6 252 azamatqa shıpajaı oryndaryna emdelýge joldama tabystalǵan.
Qımyl-qozǵalysy shekteýli jandarǵa arnaıy jabdyqtalǵan 19 «Invataksı» qyzmet kórsetip, dittegen jerlerine jetkizip otyr. Úıde kútim kórsetý jaǵdaıynda arnaýly áleýmettik qyzmet kórsetýge 377 joldamaǵa ótinish qabyldandy. Medıtsınalyq-áleýmettik mekemelerde (uıymdarda) arnaýly áleýmettik qyzmet kórsetýge 326 joldama berilgen.
