Shymkentte 328 myń túp qyzǵaldaq kóshetteri gúldep tur
ShYMKENT. QazAqparat - Shymkentte bıyl 328 myń túp qyzǵaldaq kóshetteri egilgen. Bul názik kóktem gúli Gollandııa elinen ákelinipti, dep habarlaıdy QazAqparat HAA tilshisi.
Qalalyq turǵyn úı kommýnaldyq sharýashylyq bóliminiń mamany Jandos Ospanovtyń sózinshe, ásem gúlderdiń tuqymdary byltyr qara kúzde otyrǵyzylǵan. Kóktemgi gúlder búginde negizinen shahardyń ortalyq kósheleri men ákimshilik iskerlik ortalyǵynda gúldep tur.
Sáýir aıynyń 20-shy juldyzyna deıin kórik berip turatyn ósimdikter alystan kóz tartady. Al mamyr aıynan bastap qyzǵaldyqtyń tuqymdary jınap alynyp, olardyń ornyn jazdyq gúlder almastyrady.
Jaýapty mamandar bıylǵy jyly petýnııa, shafran, katarantýs sııaqty jazdyq gúlderdiń 350 myńǵa jýyq kóshetin otyrǵyzýdy josparlap qoıypty.
Bul jumystar aýa raıynyń qolaılylyǵyna qaraı sáýir aıynda bastalady dep kútilýde.
