Shymkentte 300 myńnan astam qyzǵaldaq egildi
ASTANA. QazAqparat - Qyzǵaldaq - Shymkent qalasynyń sımvoly. Sondyqtan da bul gúldiń túri onda kóptep egilýi zańdy.
Bıyl qalada 320 myń túp shamasynda qyzǵaldaq egildi. Bul názik kóktem gúli sýburqaq keshenderi men qala kóshelerin áshekeılendirip, qyzyldy-jasyldy alýan túrli ósimdik qalanyń ajaryn asha tústi.
Shymkentke Polshadan ákelingen qyzǵaldaqtyń tuqymyn mamandar qańtar aıynda otyrǵyzǵan. Olardyń aıtýynsha, qyzǵaldaqtyń tuqymyn qysta otyrǵyzý qalypty tájirıbe, óıtkeni olar qar astynda jaqsy ósedi.
Gúldiń bul túri ejelgi parsy ańyzdarynda madaqtalǵan. Al qyzǵaldaqty álemge áıgili etken Nıderlandy memleketi.
