Shymkentte 300-ge jýyq otbasy «Nurly jol» baǵdarlamasymen baspanaly boldy

ShYMKENT. QazAqparat -  Búgin Ońtústik Qazaqstan oblysynyń ákimi Janseıit Túımebaev Shymkent qalasyndaǵy ákimshilik-iskerlik ortalyqta ornalasqan turǵyn úılerdiń ıelerine páter kiltin tabystady. Memlekettik «Nurly jol» baǵdarlamasy aıasynda 288 otbasy baspanaly boldy, dep habarlaıdy QazAqparat tilshisi.

9 qabatty turǵyn úıdiń qurylys jumystary 2016 jyly bastalyp, búginde el ıgiligine tapsyrylýda. Oblys basshysy memlekettik «Nurly jol» baǵdarlamasy aıasynda elge berilip jatqan turǵyn úıler Elbasynyń halyqqa degen qamqorlyǵynyń kórinisi ekendigin atap ótti.

 

«Búgin memlekettik baǵdarlama boıynsha 288 páter óz ıesin taýyp otyr. Bıylǵy jyl búgingi páter ıeleri úshin qýanyshty sátten bastalǵaly otyr. Sizderdi qonystaryńyzben quttyqtaımyn, shańyraqtaryńyz baqyt pen qýanyshqa, bala kúlkisine tolsyn», - dedi óńir basshysy.

 

Memlekettik baǵdarlama aıasynda baspanaly bolǵan qala turǵyndary óz qýanyshtaryn jetkizip, qonys toılaryn toılady.

 

Aıta keterligi, ótken jyly aýmaǵy 625 myń sharshy metrdi quraıtyn jalpy sany 7 500-ge jýyq páter berilgen. Onyń ishinde 3 myńnan astam páter «Báıterek» AQ arqyly berilgen arendaly turǵyn úıler bolsa, 2 285 páter jeke qarjyǵa satyp alynǵan baspanalar. Budan ózge, jas otbasylarǵa arnalǵan jáne satyp alý quqyǵynsyz beriletin arendaly, sondaı-aq kredıttik turǵyn úıler boıynsha 2 161 páter berilgen.