Shymkentte 300-ge jýyq adam qarjy pıramıdasyna aldanyp qaldy

ShYMKENT. QazAqparat - Shymkent qalasynda qarjy pıramıdasyn quryp, turǵyndardyń aqshasyn jymqyrǵan JShS basshylary ustaldy, dep habarlaıdy QazAqparat Polisia.kz portalyna silteme jasap.

Qala turǵyndarynyń senimine kirip, 500 mıllıon teńgeden astam qarajatty jymqyrǵan «Garant 24 lombard» JShS fılıalynyń dırektory ustalyp, tergeý ızolıatoryna qamaldy.

Aıta keteıik, taıaýda salymshylardy aldap, 100 mıllıon teńgeden astam shyǵyn keltirgen «Estate Lombard» JShS fılıalynyń dırektory ustalǵan edi. Atalǵan faktiler boıynsha sotqa deıingi tergeý jalǵasyp jatyr.

Shymkent qalasynyń polıtsııa departamenti atalǵan JShS-lardan zardap shekkenderdi jaqyn jerdegi polıtsııa bólimderine habarlasýyn nemese «102» nómirine qońyraý shalýyn ótinedi.