Shymkentte 3 jasar búldirshin tórt santımetrlik shegeni jutyp qoıdy
Qalalyq densaýlyq saqtaý basqarmasy baspasóz qyzmetiniń málimetinshe, belgisiz zatty jutyp qoıǵan búldirshin klınıkalyq balalar aýrýhanasyna jetkizilgen.
Dárigerler balanyń jaǵdaıy alǵashqyda orta aýyr jaǵdaıda bolǵanyn anyqtaǵan. Shuǵyl túrde asqazanyn vıdeo gastroskopııa apparatymen tekserip, shegeniń turyp qalǵan jerin kórgen.
Bilikti hırýrgter Ákim Túlkibaı men Asanbaı Qurmanalıevtiń jetekshiligimen balaqaıǵa jabyq ota jasalyp, mamandar asqazanda turyp qalǵan shegeni endoskopııalyq jolmen alyp shyqqan.
«Medıtsına qyzmetkerleri shegeni balanyń denesin kespeı-aq alyp shyqty. Dárigerler der kezinde balaqaıǵa kómek kórsetilmese, sońy qaıǵyly jaǵdaıǵa alyp kelýi múmkin ekenin aıtady. Qazir balaqaıdyń jaǵdaıy jaqsy. Anasymen birge úıine shyǵarylǵan» delingen habarlamada.