Shymkentte 3 jasar búldirshin abaısyzda benzın iship qoıǵan
Ata-anasynyń qaraýynsyz qalǵan búldirshin abaısyzda ýly suıyqtyqty iship qoıǵan. Osydan keıin jedel járdem aýyr jaǵdaıda jergilikti aýrýhanaǵa jetkizgen. Búldirshinniń ishki aǵzasy qatty zaqymdanǵanyn baıqaǵan mamandar ony shuǵyl túrde Shymkent qalasyndaǵy Gıperbarıttik oksıgenatsııa ortalyǵyna apardy.
«Búldirshinniń ishki aǵzasyn qatty kúıik shalǵandyqtan, dárigerler ony dereý jansaqtaý bólimine jatqyzyp, nazogastraldi zontpen asqazanyn shaıdy. Balaqaıdy aman alyp qalý úshin dárigerler baryn salyp, eki kún boıy reanımatsııalyq emdeý sharalaryn júrgizdi. Nátıjesinde úsh jasar qyz balanyń jaǵdaıy jaqsaryp, úshinshi kúni jansaqtaý bóliminen palataǵa aýystyryldy» delingen qalalyq densaýlyq saqtaý basqarmasynyń baspasóz qyzmeti taratqan habarlamada.
Bir aptaǵa jýyq ýaqyt aýrýhanada em alyp, jaǵdaıy jaqsarǵan búldirshin anasymen birge úıine shyǵaryldy. Qazir úsh jasar qyz jergilikti emhanadaǵy dárigerlerdiń baqylaýyna alynǵan.