Shymkentte 3 jasar balanyń qoly ettartqyshqa qysylyp qaldy

ShYMKENT. QazAqparat - Shymkentte 3 jasar balanyń qoly ettartqyshqa qysylyp qaldy, dep habarlaıdy QazAqparat tilshisi.

Oqıǵa Saıram turǵyn alabynda bolǵan.

Ata-anasy elektrli ettartqyshta jumys istegen kezde balasy qasynda otyrǵan. Sodan oınap júrgen búldirshin qolyn ettartqyshqa salyp jibergen.

Qutqarýshylar balanyń qolyn ettarqyshtan shyǵaryp alý úshin dárigerlermen birge jumys istedi.

Dárigerler balany narkoz arqyly uıyqtatyp qoıǵan.

«Sol sátte tótenshe jaǵdaı qyzmetkerleri avarııalyq-qutqarý quralynyń kómegimen ettartqyshtyń korpýsyn muqııat kesip, balanyń qolyn bosatty. Qazirgi tańda búldirshin №1 qalalyq balalar klınıkalyq aýrýhanasynyń reanımatsııa bóliminde em qabyldap jatyr» delingen Shymkent qalasy TJD qoǵammen baılanys toby taratqan aqparatta.