Shymkentte 3 ottegi stantsııasy ornatyldy

NUR-SULTAN. QazAqparat - Shymkent qalasynda epıdemııanyń ekinshi tolqynyna daıyndyq kezinde reanımatsııalyq tósekterdi jabdyqtaý maqsatynda 314 fýnktsıonaldy kereýet, 381 dozatorlar, 266 reanımatsııalyq monıtorlar jáne 381 medıtsınalyq sorǵysh qondyrǵylar satyp alyndy, dep habarlaıdy Shymkent qalasy ákiminiń baspasóz qyzmeti.

Bul jóninde búgin aqparattyq-kommýnıkatsııalyq ortalyqta ótken brıfıngte qalalyq densaýlyq saqtaý basqarmasynyń basshysy Baqytjan Pozılov málim etti.

«Qalada 3 ottegi stantsııasyn ornatý boıynsha jumystar aıaqtaldy. Ekeýi Qalalyq ınfektsııalyq aýrýhana bazasynda jáne bireýi №3 qalalyq aýrýhanada. Budan bólek medıtsınalyq uıymdardaǵy 717 ottegi núktelerin qosý jáne suıyq ottegige arnalǵan 9 rezervýar ornatý jumystary júrgizilýde», - dedi basqarma basshysy.

Sondaı-aq, 13 sanıtarlyq kólik demeýshilik retinde berilgen. Munan ózge, medıtsınalyq uıymdarda 612 IVL apparattary jumys jasaıtyn bolady. Jyl basynda 310 IVL apparaty bolsa, qosymsha 156 IVL Densaýlyq saqtaý mınıstrliginen jetkizildi. Odan basqa demeýshilik kómekpen 20 IVL apparat jáne 98 ottegi kontsentrateri berildi. 126 dana IVL apparattary jergilikti bıýdjetten satyp alynýda.

Endi alǵash ret Shymkent qalasynda «Qazmedprıbor» JShS IVL apparattaryn shyǵarýdy bastady. Mekeme kúnine 20-25 IVL apparat shyǵarýǵa qaýqarly. Odan basqa 300-ge jýyq medıtsınalyq jabdyqtar shyǵarylady.