Shymkentte 3 myńnan asa kezekshi synyp ashyldy

ShYMKENT. QazAqparat – Shymkentte jeńildetilgen karantın rejımine sáıkes 1-4 synyp oqýshylary mektep qabyrǵasynda bilim alyp jatyr. Búginde 49 myńnan asa bastaýysh synyp oqýshysy úshin 3 344 kezekshi top ashyldy, dep habarlaıdy QazAqparat tilshisi.

Qaladaǵy oqýshylardyń 22 protsenti mektepke baryp jatsa, qalǵan 78 protsenti qashyqtan bilim alýda. Barlyq mektepterde «Bilim Iand - OOnlinemektep.org» ınternet platformasynda qashyqtan oqytý uıymdastyrylǵan. Sonymen qatar, barlyq mektepter QR BǴM tarapynan endirilgen «Kúndelik.kz» elektrondy jýrnaldar aqparattyq júıesinde jumys júrgizip jatyr. Balalar mektepke kirmes buryn kúndelikti dezınfektsııalyq ótkelden ótkzáledi. Ári qaraı olardyń qyzýy ólshenip, antıseptık quralymen qoldaryn zalalsyzdandyrady.

Sondaı-aq, ózimen birge medıtsınalyq betperdesi joq oqýshyǵa jańa maska beriledi. Bekitilgen talaptar boıynsha ár kabınettegi bala sany 15-ten aspaıdy. Ózara 1,5 metr araqashyqtyqta qoıylǵan ár partada tek bir ǵana oqýshy otyrǵyzylǵan.

Kezekshi synyptardaǵy sabaqtar ár ýaqytqa qoıylyp, úzilis te ártúrli ýaqytta bolýda.