Shymkentte 3 myń úı gazsyz qaldy

ShYMKENT. QazAqparat - Shymkenttegi Telman aýdanynyń turǵyndaryna gaz berý toqtatyldy, dep habarlaıdy QazAqparat tilshisi Shymkent ákimdiginiń baspasóz qyzmetine silteme jasap.

Sypyrǵan ata kóshesinde sý qubyryn tartý jumystary kezinde gaz qubyryna zaqym kelgen. 3 kásiporyn men jeke sektordyń 3094 abonenti kógildir otynsyz qaldy.

Oqys jaǵdaıdy retteýmen Shymkent energetıka jáne TKSh basqarmasy jáne gaz sharýashylyǵy mamandary aınalysyp jatyr.  

Shymkent ákimdigi turǵyndardan úıdegi barlyq gaz prıborlaryn sóndirýin suraıdy.