Shymkentte 3 kishkentaı baladan koronavırýs tabyldy

ShYMKENT. QazAqparat - 9 maýsymda Shymkent qalasynda koronavırýs ınfektsııasyn juqtyrǵan 14 adam tirkelgen, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııanyń Telegram paraqshasyna silteme jasap.

«PTR dıagnostıkalyq zertteý nátıjeleri boıynsha COVID-19 vırýsy 6 áıel adam, 5 er adam jáne 3 kishkentaı baladan anyqtaldy. Olardyń 5-ýi vırýsty juqtyrǵandarmen jaqyn qarym-qatynasta bolǵan, 6-ýy JRVI dıagnozymen statsıonarǵa jatqyzylǵan, 2-i alǵashqy medıtsınalyq jedel kómekke JRVI belgilerimen júgingen, 1-i statsıonarǵa josparly túrde jatqyzý aldynda tekserilgen», delingen habarlamada.

Barlyǵy tıisinshe juqpaly aýrýlar statsıonaryna jatqyzylǵan.
Qazirgi tańda naýqastardyń jaǵdaıy qanaǵattanarlyq, bekitilgen hattamaǵa sáıkes tıisti em alyp jatyr.
Profılaktıkalyq is-sharalardy júrgizý úshin naýqastarmen qarym-qatynasta bolǵan adamdar anyqtalýda. Aýrý oshaqtarynda dezınfektsııa jasaldy.
Shymkentte koronavırýs ınfektsııasyn juqtyrǵan 992 adam anyqtalǵan, olardyń ishinde 443-i jazylyp shyqqan.