Shymkentte 2GIS qosymshasy avtobýstardyń qozǵalysyn kórsete bastady
Qalalyqtar tsıfrly jańalyq arqyly naqty ýaqyt tártibinde qoǵamdyq kólik qozǵalysyn baqylaıtyn bolady.
Bul jumystardy qala ákimdiginiń qoldaýymen Shymkent qalasynyń tsıfrlandyrý basqarmasy jáne 2GIS kompanııasy júzege asyryp otyr.
Shymkent 2GIS kartasynda qoǵamdyq kólik qozǵalysy paıda bolǵan Qazaqstannyń alǵashqy qalasy bolyp otyr. Bul júıeni sonymen qatar, Reseıdiń Máskeý, Sankt-Peterbýrg jáne Novosibir syndy qalalary qoldanyp keledi.
Atalǵan qosymshany smartfon ıeleri Play Market dúkeninen júktep ala alady. Telefonyńyzǵa júktegen qosymshaǵa kirip, aıaldamanyń belgisine bassańyz, kartada avtobýstar paıda bolady. Nemese izdeýde marshrýttyń nómirin engizseńiz, qoǵamdyq kóliktiń qaı jerde kele jatqanyn jáne avtobýs jolyn da kóre alasyz. Bul óz kezeginde aıaldamada uzaq ýaqyt turyp qalý máselesin jeńildetedi.
Júıe tek onlaın arqyly jumys isteıdi, sondyqtan smartfonnyń ǵalamtorǵa qosylýy mańyzdy.
Eger avtobýs kepteliste qalsa nemese kez kelgen basqa sebeppen marshrýttan ketse, ózgerister 30 sekýndtan keıin kartada beınelenedi.