Shymkentte 29 myńǵa tarta jas kásiptik bilim alýda

ShYMKENT. QazAqparat – Shymkentte 29 kolledjde 29 myńǵa tarta jas tehnıkalyq jáne kásiptik bilim alýda. 8 470 stýdenttiń bilimi memlekettik tapsyrys negizinde jergilikti bıýdjetten qarjylandyrylady, dep habarlaıdy QazAqparat tilshisi.

Qalalyq bilim basqarmasynyń málimetinshe, bıyl jergilikti bıýdjet esebinen memlekettik tapsyrys boıynsha 11 kolledjge 2 358 stýdent qabyldanǵan. Búgingi tańda, dýaldy oqytý júıesi 7 kolledjge engizilgen. Myńǵa tarta stýdent osy júıemen bilim alýda. Ótken jyly memlekettik tapsyryspen oqyǵan 2 839 túlektiń 2 520-y jumysqa ornalasqan.

Qazirgi tańda, qaladaǵy 10 joǵarǵy oqý oryny men 29 kolledjde 106 myńnan asa stýdent bilim alsa, onyń ishinde 6 614 stýdent jataqhanamen qamtylǵan. Dese de búginde 8 400 orynǵa qajettilik týyndap otyr. Osy olqylyqtyń ornyn joıý maqsatynda ákimdik tarapynan «Shymkent sıtı» shaǵynaýdanynan 2,5 ga jer ýchaskesi belgilendi.

«Shymkent» áleýmettik kásipkerlik korporatsııasy AQ-nyń ınvestıtsııasy esebinen 2 500 oryndyq jataqhana salý úshin jobalaý-smetalyq qujattary ázirlenýde. Sonymen qatar, «Turan» shaǵyn aýdanynda jataqhana qurylysy úshin 4 ga jer ýchaskesi bólinip otyr.

Budan ózge ótken jyly jeke kásipkerler men «Qarjy ortalyǵy» AQ arasynda 350 jáne 200 oryndyq jataqhana qurylysyn salýǵa kelisimshart jasalyp, sáýir aıynda 350 oryndyq jataqhana qurylysy aıaqtaldy. Sóıtip, Ońtústik Qazaqstan memlekettik pedagogıkalyq ýnıversıtetine jańa jataqhana paıdalanýǵa berildi. Al, 200 oryndyq jataqhana qurylysy jyl sońyna deıin aıaqtalady dep josparlanýda.