Shymkentte 28 páter urlyǵyna qatysy bar kúdikti ustaldy
ShYMKENT. QazAqparat - Shymkentte polıtseıler jedel-izdestirý is-sharasyn júrgizý barysynda qala aýmaǵynda bolǵan páter urlyqtaryna qatysy bar kúdiktini ustady. Qolǵa túsken Saryaǵash aýdanynyń turǵyny 28 ret úılerdi tonaǵan dep aıyptalýda, dep habarlaıdy QazAqparat HAA tilshisi.
Belgili bolǵandaı, sezikti jergilikti turǵyndardyń úıine plastıkalyq terezelerin buzý arqyly kirip júrgen. Odan soń jábirlenýshilerdiń aqshasyn, altyn buıymdary, uıaly telefondary, teledıdar men baǵaly zattaryn qoldy etip kelipti. Al, urlanǵan zattardy satyp, óz qajettiligine jaratqan.
Qazirgi tańda tergeý barysynda kúdiktiniń sońǵy úsh aıda oryn alǵan qylmystyq áreketteri tekserilip jatyr. Jábirlenýshilerge keltirilgen jalpy shyǵyn kólemi 4 mıllıon teńgeden astamdy quraǵan. Aıǵaqty zattar tárkilenip alyndy.
Atalǵan jaıttar boıynsha kúdiktiniń ústinen Qylmystyq kodekstiń 188-shi «Urlyq» babymen qylmystyq is qozǵaldy. Ol qamaýǵa alynyp, sotqa deıingi tergeý sharalary júrgizilýde.
