Shymkentte 26 jastaǵy jigit sýǵa batyp ketti

ShYMKENT. QazAqparat - Shymkentte 26 jastaǵy jigit sýǵa batyp ketti. Oqys jaǵdaı Qaınar aýylyndaǵy jasandy kólde  oryn alǵan,  dep habarlaıdy QazAqparat tilshisi. 

Aımaqtyq TJD baspasóz qyzmetiniń málimetinshe, qaıǵyly jaǵdaı 26 maýsymda saǵat 15.30  shamasynda bolǵan. Shomylatyn orynda demalýshylar jas jigitti óz kúshterimen qutqaryp qalǵysy keldi. Biraq  qoldarynan kelmegen. Sosyn qutqarýshylardyń kómegine júgingen.

«Sol kúni shuǵyl kezekshilerdiń basqarý pýltine habarlama kelip túsken. Jedel-qutqarý jasaǵynyń 6 qutqarýshysy 1 tehnıka jáne sý quralymen izdestirý júrgizgen. Saǵat 17.43-te denesin taýyp, jaǵaǵa shyǵarǵan» delingen TJD baspasóz qyzmetiniń habarlamasynda.   

Aıta keteıik, bul - Shymkent pen Túrkistan óńirinde shomylý maýsymy bastalǵaly oryn alǵan osyndaı 11-shi oqıǵa.