Shymkentte 26 jastaǵy jigit meshittegi sadaqa jáshiginen aqsha urlaǵan

ShYMKENT. QazAqparat - Shymkentte meshittegi sadaqa jáshiginen aqsha urlandy, dep habarlaıdy QazAqparat qalalyq polıtsııa departamentine silteme jasap.

Eńbekshi aýdandyq polıtsııa bólimine jergilikti turǵyn aryzdandy. Onyń aıtýynsha, qaladaǵy meshitterdiń birinde sadaqa jáshigi urlanǵan.

«Belgisiz bireý túngi ýaqytta meshit aýlasyna kirip, qaıyrymdylyq jáshiginiń qulpyn buzyp, jalpy somasy 9000 teńgege jýyq aqshany urlap ketken. Tergeý jáne krımınaldyq polıtsııa basqarmasy qyzmetkerleriniń jedel jumysynyń nátıjesinde kúdikti ustaldy. Ol 26 jastaǵy qala turǵyny bolyp shyqty» delingen habarlamada.

Búginde QR QK 188-baby boıynsha sotqa deıingi tergeý júrip jatyr.

Kúdiktiniń budan basqa taǵy 6 urlyqqa qatysy bar ekeni, sondaı-aq qylmysty negizinen jekemenshik úılerde jasaǵany anyqtaldy.

Kúdikti eshqaıda ketpeý týraly qolhatpen úıine jiberildi.

Foto: Aktobenews.kz