Shymkentte 26 jastaǵy jigit kópqabatty úıdiń shatyrynan qulap ketti
ShYMKENT. QazAqparat - Shymkentte 26 jastaǵy jigit kópqabatty úıdiń shatyrynan qulap óldi. Qaıǵyly oqıǵa túngi on birler shamasynda «Nursát» shaǵyn aýdanynda oryn alǵan, dep habarlaıdy QazAqparat HAA tilshisi.
Belgili bolǵandaı, toǵyz qabatty turǵyn úıde turatyn er adam 8-shi qabattaǵy kórshisiniń úıine kelip, ishimdik ishken. Keıin temeki tartamyn dep, balkonǵa shyǵyp ketipti. Osy kezde ol bıikten qulap ketedi. Onyń joǵary qabattan qulap bara jatqanyn aýladaǵy kórshileri kórgen. Dereý jedel járdem qyzmeti men polıtseılerdi shaqyrdy. Dárigerler es-túzsiz jatqan jigitti aýrýhanaǵa jetkizgenimen ol bir jarym saǵattan soń jan tásilim etti.
Qazir osy oqıǵa boıynsha óńirdiń tártip saqshylary Qylmystyq kodekstiń 105-baby «Ózin ózi óltirýge deıin jetkizý» boıynsha qylmystyq is qozǵalyp, sot-medıtsınalyq saraptamalar taǵaıyndaldy.
