Shymkentte 2500 páterden turatyn 40 úı salynady
Turǵyn úı qurylys jınaq bankiniń basqarma tóraıymy Lázzat Ibragımova men Shymkent qalasynyń ákimi Ǵabıdolla Ábdirahymov «Nurly jer» baǵdarlamasy aıasynda yntymaqtastyq týraly memorandýmǵa qol qoıdy. Atalmysh baspanaǵa Turǵyn úı qurylys jınaq banki klıentteri ǵana ıe bola alady. 
Bul kelisimge sáıkes, jalpy aýmaǵy 150 myń sharshy metr bolatyn nysandar salynady. Turǵyn úı qurylysy qalanyń eki birdeı jańa aýdanynda, atap aıtqanda Shymkent City men Ákimshilik-iskerlik ortalyqta júredi. Mundaǵy turǵyn úılerdiń 1 sharshy metriniń baǵasy Turǵyn úı qurylys jınaq banki klıentteri úshin 140 000 teńgeni quraıdy.
Alǵashqy 598 páterdi Turǵyn úı qurylys jınaq banki klıentteri osy jyly ala alady. Osy maqsatta qalanyń jańa ákimshilik-iskerlik ortalyǵynda 11 turǵyn úı salynyp jatyr. Qurylys salýshy bul nysandardy 2018 jyldyń jeltoqsan aıynda paıdalanýǵa berýdi josparlap otyr.
«Nurly jer» baǵdarlamasyna qatysyp, ol boıynsha úı alý úshin Turǵyn úı qurylys jınaq bankindegi shotta 20% kóleminde bastapqy jarna bolsa, jetkilikti. 1 bólmeli páterdiń baǵasy 5,6 mln teńge dep alsaq, depozıtte 1,1 mln teńge jınaý kerek. Osydan keıin bank 5% jyldyq mólsherlememen jeńildetilgen zaem beredi», - dep Lázzat Ibragımova memlekettik baǵdarlamaǵa qatysý sharttaryn túsindirip ótti.
Qalǵan 1 880 páterdiń qurylysy men paıdalanýǵa berilýi 2019 jylǵa josparlanyp otyr. Jańa úıler ShymkentCity aýdanynda paıda bolady.
«Nurly jer» baǵdarlamasynyń sharttaryna sáıkes, kelesi talaptarǵa saı azamattar bul páterlerge úmitker bola alady:
- QR azamaty nemese oralman mártebesine ıe bolýy;
- ótinish berýshide jáne onyń otbasy múshelerinde sońǵy 5 jyl ishinde Qazaqstan Respýblıkasynyń aýmaǵynda jeke menshik úıi bolmaýy tıis;
- tólem qabilettiligin rastaı alýy.
Atalǵan talaptarǵa saı kelmegen bank salymshylary basqa baǵdarlamalar arqyly baspanaly bola alady.
