Shymkentte 25 jastaǵy jigit naǵashy atasy men anasyn pyshaqtap óltirgen
ShYMKENT. QazAqparat - Shymkentte 25 jastaǵy jigit naǵashy atasy men anasyn birneshe jerinen pyshaqtap óltirgen. Ońirdiń polıtseıleri qylmystyń izin sýytpaı ashty, dep habarlaıdy QazAqparat tilshisi.
Ońtústik Qazaqstan oblystyq ishki ister departamenti baspasóz qyzmetiniń málimetinshe, máıitti sol úıdiń turǵyndary taýyp, polıtsııaǵa habar bergen.
«Oqıǵa ornyna jetken tergeý-jedel toby máıitterdiń tulǵasyn anyqtady. Olar sol úıde turatyn 1973 jyly týǵan áıel men onyń 1948 jyly týǵan ákesi bolyp shyqqan. Krımınalısterdiń anyqtaǵanndaı, marqum bolǵandar zorlyq-zombylyqpen óltirilgen. Olardyń denesindegi kóptegen pyshaq jaraqattary osyny aıǵaqtaıdy. Polıtsııa qyzmetkerleriniń jedel-izdestirý is-sharalarynyń nátıjesinde kúdikti retinde 1994 jyly týǵan azamat anyqtalyp, ustaldy. Kúdikti kinásin tolyq moıyndady»,- delingen habarlamada.
Marqumdardyń kórshileri bolsa kúdiktiniń sol úıdiń balasy ekenin aıtady. Ol naǵashy atasy men anasyn aıaýsyz óltirip, oqıǵa ornynan boı tasalap ketken. Qaza tapqan 70 jastaǵy qarııa men onyń 45 jastaǵy qyzy aýyr dene jaraqatyn alǵan soń kómekke adam shaqyra almastan, sol jerde jan tapsyrypty. Al, olardyń óli denelerin sol úıge qydyryp kelgen qarııanyń kenje qyzy taýyp alǵan. Baqılyq bolǵan kelinshek temeki ónimderin satýmen aınalysqan kórinedi.
Qazir atalǵan jaıt boıynsha Qylmystyq kodekstiń 99 baby «Qasaqana kisi óltirý» boıynsha is qozǵalyp, sotqa deıingi tergeý amaldary júrip jatyr.
