Shymkentte 227 sportshy jekpe-jek saıysynan el birinshiliginde baq synaıdy
ASTANA. QazAqparat - 24 men 26 naýryz aralyǵynda Shymkent qalasynda Álııa ıÝsýpovanyń kórkem gımnastıka mektebinde erler men áıelder arasynda jekpe-jekten Qazaqstan Respýblıkasynyń chempıonaty ótedi.
El birinshiligin uıymdastyrý komıtetiniń habarlaýynsha, jarysqa respýblıkanyń ár óńirinen jáne Astana men Almaty qalalarynan jasaqtalǵan 55, 60, 65, 70, 75, 80, 85, 90 jáne 90 keliden joǵary 9 túrli salmaq dárejesinde 15 qurama top synǵa túsedi.
Ár óńirden jasaqtalǵan qurama komandalar bilikti sportshylar jasaqtalǵan. Olardyń qatarynda 8 halyqaralyq dárejedegi sport sheberleri, 29 sport sheberi men 87 sport sheberligine úmitkerler jáne túrli sheberlik dárejesi bar.
Sportshylardyń sheberligin ulttyq sanattaǵy tóreshilerden quralǵan tóreshiler alqasy baǵalaıtyn bolady. Tóreshilerdiń kóshin ulttyq sanattaǵy tóreshi Rınat Ábikeshov bastasa, bas hatshynyń qyzmetin ulttyq sanattaǵy tóreshi Abaı Qaıyrbekov atqarady.
Jeńis tuǵyryna shyǵýǵa, baq synasýǵa kelgen qazaqstandyq sportshylardyń sany 227 bolsa, olardyń 27 áıelder.
Atalǵan dúbirli dodany Ońtústik Qazaqstan oblysy ákimshiliginiń qoldaýymen «Jekpe-jek saıystan búkilqazaqstandyq qaýymdastyǵy» jáne QR Mádenıet jáne sport mınıstrligi sport jáne dene shynyqtyrý komıteti uıymdastyryp otyr.
Chempıonattyń nátıjesinde irikteýden súrinbeı ótip, eń úzdik dep tanylǵan jeńimpaz sportshylardan Qazaqstan Respýblıkasy jekpe-jek saıysynyń ulttyq qurama komandasy jasaqtalatyn bolady.
