Shymkentte 2200 shyny staqanda «Shymkent shaıy» taratylyp, rekordqa usynyldy
Naýryz merekesi qarsańynda ótken «DámDásTour» tuńǵysh restorandar jármeńkesine kelýshi qala turǵyndary men qonaqtaryna tegin «Shymkent shaıy» taratyldy. Qalanyń 2200 jylǵa jýyq tarıhy sheńberinde iske asqan shara – Qazaqstan Rekordtar kitabyna (Qazaqstandyq Aqparattyq-Entsıklopedııalyq anyqtamalyq) engizý boıynsha, gastrorekordqa usynyldy. Shaı, jalpy 2200 adamǵa taratyldy.
Aıta keterligi, erterekte restoran ókilderimen ótken kezdesýlerdiń birinde restoran basshylyǵy men qala turǵyndary tarapynan sýsyndar mázirinde «Shymkent shaıyn» qoldaný boıynsha usynys aıtylǵan bolatyn. Bul turǵyndar usynysyn Týrızm jáne syrtqy baılanystar basqarmasynyń basshysy Erlan Qydyrov qoǵamdyq tamaqtaný oryndaryna jetkizip, olar biraýyzdan qoldaǵan edi.
Jalpy, Shymkent qalasynda alǵash ret uıymdastyrylǵan bul shara – jergilikti qoǵamdyq tamaqtaný oryndarynyń básekelestigin arttyryp, servıstik qyzmettiń jandana túsýine múmkindik beredi. Sondaı-aq, mereke kúnderinde nemese qalaǵa saıahattaýshy azamattardyń kóptep kelýinde dámdi taǵamdarymen óz deńgeılerinde qamtýǵa daıyn bolýyna tájirıbe bolyp tabylady.
Shymkent qalasy Týrızm jáne syrtqy baılanystar basqarmasynyń uıymdastyrýymen ótip jatqan shara erteń de tańǵy 10:00 men 22:00 aralyǵynda jalǵaspaq.
