Shymkentte 22 jastaǵy qyz týǵan ákesine pyshaq suǵyp aldy
ShYMKENT. QazAqparat - Shymkentte 22 jastaǵy qyz týǵan ákesine pyshaq suǵyp aldy. Qazir 46 jastaǵy azamatqa shuǵyl túrde ota jasalyp, jansaqtaý bóliminen jalpy palataǵa aýystyryldy, dep habarlaıdy QazAqparat tilshisi.
Oqıǵa otbasylyq janjal barysynda týyndaǵan. Anasy men qyzy julysyp jatqanda ákesi ekeýin arashalamaq bolyp, ortasyna túsken. Osy sátte qyzynyń qolyndaǵy as úı pyshaǵy anasynyń emes, ákesiniń denesine kirgen.
Týǵan qyzynyń qolynan qaza bola jazdaǵan Murat Shadamov balasynyń ústinen aryz jazbaǵan.
«Men eshteńe jazbaımyn. Ol úıden ketsin. Tynyshtyq bersin», - deıdi jábirlenýshi Murat Shadamov.
Shymkent qalalyq jedel járdem aýrýhanasynyń bólim meńgerýshisi Sábıt Baıbosynov naýqastyń jaǵdaıy áli de aýyr ekenin aıtady.
Onyń sózinshe, jábirlenýshiniń ishiniń oń jaq tusyna kirgen pyshaq ash ishektiń úsh jerin kesip jibergen. Sonyń saldarynan ishke qan ketken. Al Shymkent qalasyndaǵy Ál-Farabı aýdandyq ІІB bastyǵynyń orynbasary Erdáýit Nııazov osy faktige baılanysty QR QK 106-babyna sáıkes is qozǵalyp, tergeýdiń júrip jatqanyn málim etti. Ákesine pyshaq jumsaǵan qyz bir jyl buryn kúıeýimen ajyrasqan kórinedi. Sońǵy ýaqytta kishkentaıymen birge tórkininde turyp jatyr eken.
