Shymkentte 22 polıtsııa qyzmetkeri jaýapkershilikke tartyldy

ShYMKENT. QazAqparat – Qoǵamda sybaılas jemqorlyqqa qarsy mádenıetti qalyptastyrý maqsatynda Sybaılas jemqorlyqqa qarsy is-qımyl agenttiginiń Shymkent qalasy boıynsha departamentimen júıeli jumystar júrgizilýde. Departamenttiń basshylyq quramy jol-patrýldik polıtsııa qyzmetiniń jeke quramymen kezdesip, tártip saqshylarynyń áriptesterine qatysty aıyptaý úkimderimen tanystyrdy, dep habarlaıdy QazAqparat tilshisi.

Departament basshysynyń orynbasary Baýyrjan Uzynjastyń aıtýynsha, qazirgi tańǵa deıin Polıtsııa departamentine qylmystyq quqyqbuzýshylyqtar jáne basqa da zań buzýshylyqtar jasaýǵa yqpal etken mán-jaılardy joıý jóninde 19 usynys joldanǵan. Al, 22 polıtsııa qyzmetkeri jaýapkershilikke tartylyp, onyń ishinde úsheýi «qatań eskertý» alǵan. 8 qyzmetker atqaryp otyrǵan laýazymynan, 2 qyzmetker jumystan shyǵarylǵan.

Jıyn barysynda mamandar tótenshe jaǵdaı rejıminde árbir polıtsııa qyzmetkeriniń jeke jaýapkershiligi týraly eskertilip, sybaılas jemqorlyq faktilerine jol bermeýge jáne adaldyq pen parasattylyq qundylyqtaryn berik ustanýǵa shaqyrdy.