Shymkentte 22 adamdy kene shaqty
Shymkent qalasy sanıtarııalyq-epıdemıologııalyq baqylaý departamenti baspasóz qyzmetiniń málimetinshe, óńirde jyl basynan beri Kongo-Qyrym gemorragııalyq qyzbasymen syrqattanýshylyq jaǵdaıy tirkelmegen.
Al, kene shaǵyp, medıtsınalyq kómekke júgingen 22 adamnyń jaǵdaıy jaqsy. Barshasy em qabyldap, dárigerlerden keńes alǵan.
Búginde mamandar barlyq mal ustaıtyn qala turǵyndaryn saqtyq sharalaryn júrgizýge shaqyryp jatyr.
«Keneniń jabysqanyn tekserý úshin denedegi baıqalmaıtyn jerlerdi muqııat qaraý qajet. Deneniń ashyq jerlerine jáne kıimge kenelerdiń shabýylynan qorǵaıtyn nemese ony joıatyn arnaıy qorǵanys quraldaryn qoldaný kerek. Kene shaqqanda nemese kenege tıgende asa qaýipti ınfektsııany juqtyrý múmkin bolǵandyqtan, adam ózin jáne óz januıasyn qorǵaý úshin mindetti túrde jeke basty qorǵaý, saqtaný quraldaryn paıdalanǵan jón. Barlyq mal ustaıtyn qala turǵyndary qora-jaılaryn qoqystan tazartyp, zalalsyzdandyrý jumystaryn júrgizýge shaqyramyz! Der kezinde zalalsyzdandyra otyryp kenelerdi joıý, kene shaǵý zardabynan jáne KQGQ aýrýynan saqtaıdy», - deıdi Shymkent qalasy sanıtarııalyq-epıdemıologııalyq baqylaý departamentiniń basshysy Ábdimanap Tólebaev.
