Shymkentte 200 oryndyq jedel gospıtal salý josparlanyp otyr
Aıgúl Bekbaýovanyń aıtýynsha, qalada 1 456 tósek orynǵa arnalǵan karantındik statsıonarlar qarastyrylǵan. Degenmen, búgingi kúni 200 tósek-oryndy jedel salynatyn ınfektsııalyq gospıtal salý qajettiligi týyndap, atalmysh másele qarastyrylyp jatyr.
«Qala boıynsha qajet tósek-oryndar, gospıtaldar tolyq daıyn. Naqtyraq aıtqanda, qalada barlyǵy 680 tósek-orynǵa arnalǵan provızorlyq statsıonarlar bar. Máselen, qalalyq juqpaly aýrýlar aýrýhanasynda – 180 tósek, «Meıirim» ońaltý ortalyǵynda - 120 tósek, «Atameken» medıtsınalyq ortalyǵynda - 380 tósek oryn daıyndalǵan», - deıdi qalalyq densaýlyq saqtaý basqarmasy basshysynyń orynbasary Aıgúl Bekbaýova.
Aıta keteıik, qazirgi tańda qalaǵa kiretin joldardaǵy blok beketterde 18 jedel medıtsınalyq járdem brıgadasy kezekshilikke qoıylǵan. Bastapqy medıtsınalyq sanıtarlyq kómek uıymdarynan 45 orta medıtsınalyq qyzmetker úsh aýysymda jumys isteýde. Blok beketterdegi medıtsınalyq pýnktter 52 teplovızormen, obaǵa qarsy 71 qorǵanys kostıýmimen jabdyqtalǵan.
