Shymkentte 200 kóshege «Sergek» kameralary ornatylady
«Memlekettik qyzmet kórsetý boıynsha Memleket basshysynyń «Halyq únine qulaq asatyn memleket» tujyrymdamasyn basty baǵdarda ustaımyz. Qazirgi tańda jergilikti atqarýshy organdar usynatyn memlekettik qyzmetterdi barynsha tsıfrlandyrýǵa kóshirýdi qolǵa aldyq. Naqtyraq aıtqanda qalada 165 qyzmet túrleriniń 88 paıyzyn elektrondy túrde alýǵa bolady. Osy jyldyń aıaǵyna deıin bul kórsetkish 95 paıyzǵa deıin jetkiziledi», - dedi Murat Áıtenov OKQ-da ótken baspasóz máslıhatynda.
Onyń aıtýynsha azamattardyń ótinishi boıynsha áleýmettik máselelerdi shuǵyl sheshý úshin «109» jelisimen «iKomek» baılanys ortalyǵy iske qosylǵan. Ortalyq táýligine 24 saǵat demalyssyz halyqqa qyzmet kórsetedi. Bıýdjetti josparlaýda ashyqtyqty qamtamasyz etý úshin 2021 jyldan bastap qaladaǵy 4 aýdan ákimdigi tarapynan «Halyq qatysatyn bıýdjet» jobasy engiziledi. Qalanyń kez kelgen turǵyny «elektrondyq úkimettiń» veb-portalyna kirip, óz usynystaryn qaldyryp, keri jaýap alý múmkindigi jasaldy.
«Keler jyly sondaı-aq memlekettik-jekeshelik áriptestik aıasynda 200 úlken kósheniń boıynda jáne 120 kóshe qıylysyna «Sergek» kameralaryn ornatý josparlanýda», - dep túıdi Murat Áıtenov.