Shymkentte 200-den astam belsendi jas «Elbasy medalimen» marapattaldy
Іs-shara Qazaqstan jastarynyń Kongresi jáne «Elbasy akademııasy» KQ, Shymkent qalasy «Daryn» ortalyǵynyń uıymdastyrýymen ótkizildi. Bıyl «Elbasy medali» jastar baǵdarlamasyna Qazaqstan boıynsha 10 000-nan astam adam qatysýǵa ótinish bergen. Onyń ishinde Shymkent qalasy boıynsha 1050 úmitker baǵdarlama qatysýshylary atanyp otyr.
Joba barysynda qatysýshylar sport, kitap oqý, volonterlyq jáne daryn men daǵdy qalyptastyrý sekildi 7 baǵyt boıynsha ózderin damytyp, sheberlikterin jetildirdi. Qatysýshylarǵa tálimgerler kúndelikti tapsyrma berip, onyń oryndalýyn baqylap otyrǵan. Nátıjesinde ózderin birneshe aı ár túrli baǵytta synaǵan 214 qatysýshy medal ıegeri atandy.
«Osy chellendjge qatysa otyryp, men ózimdi jetildirip qana qoımaı, múddesi men maqsaty ortaq jańa dostar taptym. Eń aldymen, baǵdarlama ózimmen kúresýge jáne ózimdi jeńe bilýge úıretti. Men kún saıyn fızıkalyq jaǵdaıymdy jaqsartyp, daǵdylarymdy damyttym, aınalamdaǵylarǵa barynsha kómek berdim. Bastysy ózimshe áreket etýdi úırendim. Maǵan atalǵan baǵdarlama qyzyqty ári umytylmas tájirıbe syılady», - deıdi qola medaldiń jeńimpazy Araı Qydyrbaı.
Medal ıegerlerin Shymkent qalasy ákiminiń birinshi orynbasary Shyńǵys Muqan, Máslıhat hatshysy Bahadyr Mádáliuly Narymbetov jáne Arman Ospanov, Jazıra Japparqul, Darhan Asadılov syndy elimizdiń sport maıtalmandary marapattady.
Esterińizge sala keteıik, Qazaqstan Respýblıkasynyń Tuńǵysh Prezıdenti - Elbasy N.Á. Nazarbaev 2019 jyly belsendi, kreatıvti jáne talantty jastardy qoldaý boıynsha «El Úmiti» bastamasyn usynǵan bolatyn.
