Shymkentte 200-den astam bala Prezıdenttiń jańajyldyq syılyǵyn aldy
Búgin qala ákimi Murat Áıtenov eki balanyń otbasyna arnaıy baryp, Memleket basshysynyń atynan kelgen jańajyldyq quttyqtaý hat pen syılyqtardy tabystady.
«Jas dos! Seni Jańa jyl merekesimen quttyqtaımyn! Bul meıram ózińe esten ketpes erekshe qýanysh ákelsin! Seniń bolashaǵyń jarqyn, óıtkeni Táýelsiz Qazaqstannyń perzentisiń. Saǵan zor densaýlyq, tolaǵaı tabys tileımin! Sabaǵyńdy jaqsy oqyp, árdaıym kózdegen maqsatyńa jet! Dostaryń kóp bolsyn! Ańsaǵan armandaryń oryndala bersin!», - delingen quttyqtaý hatta.
Balalarǵa Qazaqstannyń kıeli jerleriniń geografııasy baıandalǵan «Samyruq qusynyń sıqyrly qaýyrsyny» atty kitap pen táttiler jıyntyǵy jáne aqshalaı sertıfıkat úlestirildi.
Syı-syıapattarǵa ıe bolǵan megapolıstiń kishkentaı turǵyndary Prezıdentimiz Qasym-Jomart Toqaevqa alǵystary men tilekterin jetkizdi.
Qalǵan balalarǵa syılyq óz mektepterinde tapsyryldy. Merekelik shara epıdemıologııalyq-sanıtarlyq talaptar eskerile otyryp uıymdastyryldy.
Aıta keteıik, Prezıdent syılyǵyna ıe bolǵan balalardy árbir mektep janynan qurylǵan qamqorshylyq keńes anyqtaǵan.
