Shymkentte 20 páter urlyǵynyń qatysy bar kúdiktiler ustaldy
ShYMKENT. QazAqparat - Shymkentte polıtseıler páter urlyqtary qylmystaryn ashty. Qolǵa túsken úsh kúdiktiniń oblys ortalyǵy aýmaǵynda tehnıkalyq zattar men basqa da baǵaly zattardy urlaýdy kásip etkeni anyqtalyp otyr, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, Ál-Farabı aýdandyq polıtsııa bólimine aqpan aıynyń basynda jábirlenýshilerdiń biri shaǵymdanǵan. Ol óz aryzynda belgisiz bireýler teledıdary men aqshasyn urlap ketkenin kórsetken. Osydan keıin jedel-izdestirý sharalaryn júrgizý barysynda seziktiler ustaldy. Tulǵalaryn anyqtaý barysynda úsheýi de Shymkent qalasynyń turǵyndary bolyp shyqty.
Tergeý barysynda ustalǵandardyń páter urlyǵynyń 20 jaıtyna qatysy bary ekeni anyqtaldy. Osylaısha jábirleýshilerge eki mıllıon teńgeden astam shyǵyn keltirgen. Qazirgi tańda atalǵan fakti boıynsha sotqa deıingi tergeý amaldary júrgizilýde.
