Shymkentte 2 myńnan asa jumysshy jasqa páter berilmek

ShYMKENT. QazAqparat – Shymkent qalasynyń ákimi Erlan Aıtahanov jyl sońyna deıin jumysshy jastarǵa beriletin páterler qurylysymen tanysty, dep habarlaıdy QazAqparat tilshisi.

Turǵyn úılerdi aralaý barysynda ákim qurylys kompanııalarynyń basshylaryna úı qurylysyn merziminde aıaqtaýdy eskertip, sapasy men ınfraqurylymdyq júıesin talapqa saı jasaýdy tapsyrdy.

Aıta keteıik, Jastar jyly aıasynda Tuńǵysh Prezıdent – Elbasy N.Nazarbaevtyń bastamasymen shaharda birneshe baspanalardyń qurylysy bastalǵan bolatyn. Jumysshy jastardy baspanamen qamtý sharalary bul kúnde shahar basshysynyń basty nazarynda. Jospar boıynsha aldaǵy eki jylda qalada jastar úshin kóppáterli úıler salynyp, beriletin bolady. Baǵdarlama aıasynda 2704 jas jaldamaly turǵyn úımen qamtamasyz etilmek.

Qalada jastardy baspanamen qamtý máselesine erekshe kóńil bólinip, júıeli jumystar atqarylyp keledi. Jýyrda ǵana qala ákimi Erlan Aıtahanov Jastar jyly aıasynda jumys isteıtin 30 jas mamanǵa páter kiltin tabystaǵan bolatyn. Atalǵan turǵyn úıler satyp alý quqyǵynsyz 5 jylǵa jalǵa berilgeni belgili. ıAǵnı, jastary aı saıyn naryqtaǵy páteraqynyń ornyna 5-7 myń teńge kólemindegi tólemaqyny tóleıdi. Jyl sońyna deıin qalada jumys isteıtin 904 jas pátermen qamtamasyz etiledi dep kútilýde.