Shymkentte 2 myńdaı jasóspirimniń ata-anasy ákimshilik jaýapqa tartylǵan
Atalmysh málimet qalalyq prokýratýrada ótken kámelet jasyna tolmaǵandardyń jynystyq tıispeýshiligine qatysty quqyq buzýshylyqtardyń aldyn-alý, urlyq jáne sybaılas jemqorlyqqa qarsy zańnyń saqtalý máseleleri boıynsha úılestirý keńesinde aıtyldy.
Jergilikti atqarýshy jáne quqyq qorǵaý organdary basshylarynyń qatysýymen ótken jıynda jasóspirimderdiń isteri týraly qurylǵan mobıldi toptyń jumysy baǵalandy. Atalmysh top 144 aldyn alý jumysyn júrgizgen.
Atalǵan is-sharalar nátıjesinde ata-anasynyń baqylaýynsyz júrgen 344 jasóspirim kámeletke tolmaǵandardy beıimdeý ortalyǵyna ornalastyrylǵan, túngi ýaqytta zańdy ókilisiz turǵyn jaıdan tys jerlerde júrgen 1 983 jasóspirimniń ata-anasy ákimshilik jaýapqa tartylǵan.
Sonymen qatar qala prokýrory Maqsat Qojabaev «MJK» aýmaǵynda oryn alǵan 3 jastaǵy búldirshinniń ólimine qatysty qozǵalǵan qylmystyq isti jiti baqylaýǵa alǵanyn atap ótip, bul baǵytta jergilikti atqarýshy jáne quqyq qorǵaý orandaryna tıisti sharalardy qabyldaýdy tapsyrdy.
Sonymen qatar, úılestirý keńesinde sybaılas jemqorlyqqa qatysty quqyqbuzýshylyqtardyń aldyn alý jumystarynyń jáne qylmystyq isterdiń tergelý barysy qaraldy.
2019 jyly laýazymdy tulǵalar jasaǵan sybaılas jemqorlyqqa qatysty 46 qylmystyq is tirkelgen.
Memlekettik organdardaǵy sybaılas jemqorlyqqa qarsy profılaktıkalyq jumystardy júrgizý maqsatynda quqyq qorǵaý jáne jergilikti atqarýshy organdardan mekemearalyq top qurý týraly sheshim qabyldandy.