Shymkentte 2 elektr stantsııasynyń qurylysy júrip jatyr
ASTANA. QazAqparat - Shymkentte 2 elektr stantsııasynyń qurylysy júrýde. Bul týraly OQO Aımaqtyq kommýnıkatsııalar qyzmetinde ótken brıfıngte oblystyq energetıka jáne turǵyn úı-kommýnaldyq sharýashylyq basqarmasynyń basshysy M.Maraıym habarlady.
Spıkerdiń málimdeýinshe, oblys turǵyndaryn sapaly elektr qýatymen qamtamasyz etý maqsatynda 2016 jyly oblystyq bıýdjetten 5,534 mlrd. teńge bólinip, 22 nysannyń qurylysy júrgizildi. Nátıjesinde, 585,8 shaqyrym elektr jelileri men 233 dana KTP ornatylyp, 72 myń turǵyn turaqty jáne sapaly elektr qýatymen qamtylǵan.
«Shymkent qalasynyń soltústik bóliginde 350 myń halyq pen áleýmettik nysandardy sapaly elektr qýatymen qamtý maqsatynda quny 6,7 mlrd. teńgeni quraıtyn 220 kılovolttyq «Bozaryq» qosalqy stantsııasynyń qurylysy júrgizilýde. Sonymen qatar, 2016 jyly Shymkent qalasynda 80 myń halyqty qamtıtyn 110 kılovolttyq «Astana-1,2» qosalqy stantsııasynyń qurylysy bastaldy»,-dedi basqarma basshysy.
Baspasóz máslıhatynda belgili bolǵandaı «Ońtústik Jaryq Tranzıt» JShS-niń ınvestıtsııasy esebinen 4,86 mlrd. teńgege 610,9 shaqyrym elektr jelileri men 108 dana qondyrǵylarǵa qaıta qurý jáne jańartý jumystary júrgizilgen. Osylaısha, elektr júıeleriniń tozyǵy jetýi 57,5 paıyzdan 55 paıyzǵa tómendep otyr.
Brıfıngte 2017 jyly atqarylatyn jumystarymen bólisken basqarma basshysy turǵyndardy sapaly elektr qýatymen qamtamasyz etý maqsatynda 38 nysannyń qurylysyn júrgizý josparlanǵanyn atap ótti. ıAǵnı, 982,64 shaqyrym elektr jelileri, 396 dana KTP ornatylyp, 74 myń turǵyn turaqty, sapaly elektr qýatymen qamtylatyn bolady.
