Shymkentte 2 banka energetık sýsyny men 30 000 teńge talap etken sheneýniktiń isi qaralýda
Sonyń biri – Shymkent qalasynyń Abaı aýdany Taýarlar men kórsetiletin qyzmetterdiń sapasy men qaýipsizdigin baqylaý basqarmasy basshysynyń orynbasaryna qatysty sotqa deıingi tergeý.
«2020 jylǵy 24 shildede kúdikti Shymkent qalasynyń bir dúkeniniń ıesinen karantın erejelerin buzǵany úshin ony ákimshilik jaýapqa tartpaý maqsatynda 30 myń teńge somasynda aqshalaı qarajatty jáne jalpy somasy 700 teńge bolatyn «Gorilla» energetıkalyq sýsynyn aldy dep kúdiktelýde», - dedi QR Sybaılas jemqorlyqqa qarsy is-qımyl agenttiginiń asa mańyzdy ister boıynsha 1 departamentiniń tergeýshisi Qaısar Barjaqsynov.
Sonymen birge, Shymkent qalasy boıynsha Sybaılas jemqorlyqpen kúres qyzmeti Shymkent qalasynyń Іshki memlekettik aýdıt departamentiniń № 2 sáıkestendirý bólimi basshysyna qatysty sotqa deıingi tergeýdi bastady.
«Ol 2020 jylǵy 27 shildede «A» atty azamattan ony memlekettik revızor-aýdıtor laýazymyna taǵaıyndaǵany úshin 15 myń AQSh dollary somasyndaǵy aqshalaı qarajatty ıemdený kúdigine ilindi», - deıdi spıker.
