Shymkentte 2 agro-ındýstrıaldy aımaq qurylady

NUR-SULTAN. QazAqparat – Shymkentte 2 agro-ındýstrıaldy aımaq qurylady. Bul týraly Shymkent qalasynyń ákimi Murat Áıtenov OKQ alańynda aıtty, dep habarlaıdy QazAqparat tilshisi.

«Memleket basshysynyń bıylǵy Joldaýynda basym baǵyttardyń biri retinde – áleýmettik mańyzy bar azyq-túlik taýarlarymen ózimizdi tolyq qamtamasyz etý kerektigi aıtyldy. Shymkentte osy baǵytta 2 birdeı agro-ındýstrıaldy aı̆maǵyn iske qosý josparlanyp otyr. Birinshisi – aýmaǵy 136 gektar jerge zamanǵa saı ónerkásiptik jylyjaı̆ keshenin salý boıynsha 28 joba iske asady. Ekinshisi – «Bozaryq» tamaq ónerkásibi ındýstrıaldy aımaǵyn qurý josparlanýda. Munda bıologııalyq qospalary bar qunarly qurama jem óndirisi jáne sút óndirý zaýyty boı kóteredi» ,- dedi Murat Áıtenov.

Ákimniń sózinshe «Bozaryq» tamaq ónerkásibi ındýstrıaldy aımaǵynda shetel ınvestorlarymen birlese sút, et, jemis pen kókónisti qaıta óńdeıtin, konservileıtin jobalar júzege asady.