Shymkentte 2 adamnyń ómirin qıǵan jol-kólik oqıǵasyna qatysty tergeý bastaldy
ShYMKENT. QazAqparat - Shymkentte 2 adam qaza taýyp, taǵy úsh adam jaraqat alǵan jol-kólik oqıǵasy boıynsha tergeý amaldary bastaldy. Bul týraly oblystyq ІІD baspasóz qyzmetiniń jetekshisi Saltanat Qarakózova málimdedi, dep habarlaıdy QazAqparat tilshisi.
Saltanat Qarakózovanyń sózinshe, jol-kólik oqıǵasynyń sebepteri anyqtalyp jatyr. Onyń saldarynan jas jigit pen boıjetken oqıǵa ornynda jantásilim etken.
«Oqıǵa 11-shi maýsym kúni keshki saǵat 18.30-dar shamasynda Shymkent -Samara tasjolynyń 16-shy shaqyrymynda bolǵan edi. «Lada» kóligi Temirlan aýylynan Shymkentke qaraı kele jatqan tusta, eki joldyń ortasyndaǵy temirge soqtyǵysqan. Keıbir BAQ-ta jol apatynan júrgizýshi qaıtys boldy dep kórsetken edi. Alaıda ol qate aqparat. Júrgizýshi aman. Qazir ol aýrýhanada jatyr. Emdeý mekemesine odan bólek jasóspirim men bir áıel jetkizilgen. Búginde jasóspirimge alǵashqy medıtsınalyq kómek kórsetilip, úıine qaıtaryldy. Qazir osy oqıǵa boıynsha birneshe sot-medıtsınalyq saraptamalar taǵaıyndalyp, onyń qortyndysy negizinde protsessýaldyq sheshim qabyldanatyn bolady»,-deıdi Saltanat Qarakózova.
