Shymkentte 1991 jyldan beri jóndelmegen saıabaq jańartyldy
ShYMKENT. QazAqparat - Shymkentte «Naýryz» saıabaǵy qaıta jóndeýden ótip, paıdalanýǵa berildi. 26 jyldan beri alǵash ret jóndeý kórgen saıabaqtyń saltanatty ashylý rásimine oblys ákimi Janseıit Túımebaev pen qala ákimi Ǵabıdollla Ábdirahymov qatysty, dep habarlaıdy QazAqparat HAA tilshisi.
Aýmaǵy 8 gektar jerdi alyp jatqan demalys orny oblystyq bıýdjet esebinen qaıta qalpyna keltirilip otyr. Atap aıtqanda, kógaldy sýarý máselesi sheshilip, travertınmen árlengen jańa mármár taqtashalar boı kóterdi. Sondaı-aq saıabaqtyń kireberisi, oryndyqtar jańartylyp, jasandy sý qoımasynyń jaǵasy bekitildi. Al jóndeý jumysyna «Qýat qurylys» JShS-i 180 mıllıon teńgedeı jumsaǵan. Ashylý saltanatynda sóz alǵan oblys ákimi bul jumystardyń barlyǵy halyq ıgiligi úshin jasalyp jatqanyn atap ótti.
«Astana kúni merekesi qarsańynda Shymkent qalasynda da úlken sharalar ótýde. Sol aıtýly sharalardyń biri sizder úshin arnaıy ashylyp otyrǵan saıabaq. Qalalyq ákimdik sizderge jaqsylap jóndep berip otyr. Saıram qalaǵa qosylǵaly beri turǵyndardyń jaǵdaıyn jaqsartýǵa arnalǵan birqatar jumystar jasalyp jatyr. Myna saıabaq sonyń bir kórinisi», - dedi Janseıit Qanseıituly.
Aıta keteıik, «Naýryz» saıabaǵy 1991 jyly ashylyp, osy ýaqytqa deıin munda birde-bir ret jóndeý jumystary júrgizilmegen.
