Shymkentte 19 jastaǵy boıjetken iz-túzsiz joǵalyp ketti
ASTANA. QazAqparat - Shymkent qalasynyń polıtseıleri iz-túzsiz joǵalǵan 19 jastaǵy boıjetkendi izdestirip jatyr. Joǵary oqý oryndarynyń birinde oqıtyn stýdent qyz 23 mamyr kúni ýnıversıtetten shyǵyp ketip, qaıtyp oralmaǵan, dep habarlaıdy QazAqparat.
Qyzdyń ata-anasy 26 mamyr kúni Shymkent qalasyna qarasty Ál-Farabı aýdandyq polıtsııa bólimine aryzdanǵan. Onda 1998 jyly týǵan qyzdary Myrzabek Dana Bahytqyzy habar-osharsyz ketkenin kórsetken. Sodan beri tártip saqshylary boıjetkendi tappaı otyr. Endigi jerde polıtseıler oblys jáne basqa da óńirdiń turǵyndarynan Dana Myrzabekti kórgen-bilgender bolsa, Shymkent QІІB Ál-Farabı PB-ne 8-7252-97-60-09, 8-776-800-81-81 nómirine nemese «102» nómirine habarlasýyn suraıdy.
Joǵalǵan Dana Myrzabektiń belgileri: boıy 165 sm, dene bitimi orta, shashy ıyǵynan, qońyr tústi. Qara tústi maıka, qara-kók tústi jeıde, sur djıns shalbary, kók tústi baletka - aıaq kıim kıgen.
