Shymkentte 19 mekteptiń oqýshylary úsh aýysymda oqýǵa májbúr

ShYMKENT. QazAqparat -  Shymkentte 19 mekteptiń oqýshylary úsh aýysymda oqýǵa májbúr. Bilim berý mekemelerinde  qosymsha 16 138 orynǵa qajettilik týyndaǵan. Bul týraly qalalyq bilim basqarmasynyń basshysy Aqerke Abylaıhan málimdedi, dep habarlaıdy QazAqparat tilshisi.

Basqarma basshysynyń sózinshe, atalǵan máseleni sheshý maqsatynda qalada taǵy 8 mektep salynady.

«Elbasy Joldaýyndaǵy basty máseleniń biri - apatty jáne 3 aýysymdy mektepterdi kúrdeli jóndeý. Bul máseleni sheshý úshin  qosymsha ǵımarattar salý, bos ǵımarattardy qoldaný, jańa mektepter ashý qarastyrylýda. Aldaǵy ýaqytta ınvestorlar 8 mekteptiń qurylysyn bastamaq. Al 12 mekteptiń qurylys jobalary bekitilýde», - dedi Aqerke Abylaıhan.

Basqarma basshysy, sondaı-aq, Elbasy Joldaýynda aıtylǵan máseleler boıynsha shymkenttik muǵalimderge turǵyn úıdiń sertıfıkaty tapsyrylǵanyn atap ótti.  Ondaı qoldaý aldaǵy kezde de jalǵasyn tappaq.