Shymkentte 180 qonaqqa arnalǵan úılený toıy toqtatyldy

ShYMKENT. QazAqparat - Shymkent qalasy DP Abaı aýdandyq bóliminiń jergilikti ınspektorlary 180 adamǵa arnalǵan úılený toıyn toqtatty, dep habarlaıdy QazAqparat qalalyq polıtsııa bóliminiń baspasóz qyzmetine silteme jasap.

«Shymkent qalasy Abaı RPP DP ýchaskelik ınspektorlary profılaktıkalyq jumys barysynda Temirlan tas jolyndaǵy meıramhanada toı ótip jatqanyn anyqtady. Zalda 180-ge jýyq qonaq bolǵan.

Karantındik rejımniń talaptaryn buzǵan, adamdardyń kóp jınalýyna jol bergen qalalyqtarǵa qatysty qajetti materıaldar jınalyp, tıisti sharalar qabyldaý úshin sanıtarlyq-epıdemıologııalyq baqylaý departamentine jiberildi», - delingen vedomostvonyń habarlamasynda.

Shymkenttik tártip saqshylary turǵyndardan qalanyń bas sanıtarlyq dárigeriniń qaýlysynda kórsetilgen talaptar men shekteýlerdi qatań saqtaýyn suraıdy.