Shymkentte 18 jastaǵy qyz besinshi qabattan sekirip ketti

ShYMKENT. QazAqparat - Shymkentte 18 jastaǵy qyz besinshi qabattan sekirip ketti, dep habarlaıdy QazAqparat tilshisi.

Oqıǵa Ál-Farabı aýdanyna qarasty T. Rysqulbekov kóshesi men Ǵ. Ilıaev kóshesiniń qıylysynda bolǵan. Otbasylyq janjaldyń saldarynan 18 jasar qyz 5-qabattan sekirip ketken. Dúken ǵımaratynyń kúnqaǵaryna qulaǵan boıjetkenge qutqarýshylardyń kómegi qajet bolǵan.

«Quramynda 6 qutqarýshy bar jedel-qutqarý jasaǵynyń qutqarý bólimshesi oqıǵa ornyna kelip, alpınıstik jaraqtyń kómegimen 2004 jyly týǵan zardap shekken azamatshany tómen túsirip, jedel medıtsınalyq qyzmet qyzmetkerlerine tapsyrdy» delingen Shymkent qalasy TJD qoǵammen baılanys toby taratqan habarlamada.

Atalǵan oqıǵanyń mán-jaıyn Shymkent qalasy Ál-Farabı aýdandyq polıtsııa basqarmasynyń qyzmetkerleri tekseretin bolady.