Shymkentte 18 myńǵa jýyq turǵyn gaz qubyrlaryn tekserýshilerdi páterlerine kirgizbegen
ShYMKENT. QazAqparat - Shymkentte 18 myńǵa jýyq turǵyn gaz qubyrlaryn tekserýshilerdi páterlerine kirgizbegen. Bul týraly qala ákimdiginde qaýipsizdik boıynsha ótken jınalysta aıtyldy, dep habarlaıdy QazAqparat tilshisi.
Aıta keteıik, jylytý maýsymy bastalǵaly beri qalada turǵyndardyń ıisten jappaı ýlanýy boıynsha 4 oqıǵa tirkeldi. Osydan keıin keıin shahar basshysy Nurlan Saýranbaev qaýipsizdik boıynsha mobıldi top qurǵan bolatyn. Atalǵan top músheleri qaladaǵy úıler men páterlerdi aralap shyqqan. 14 kún ishinde aýdan ákimdikteriniń, TJ jáne gazben jabdyqtaý qyzmetiniń ókilderinen turatyn top 157 997 abonentti tekserip úlgerdi. Reıd barysynda 153 buzýshylyq anyqtaldy. Ákimdiktegiler apatty jaǵdaılardyń oryn alýyna kóbine baspanalardaǵy gaz qubyrlarynyń isten shyǵýy men ony turǵyndardyń ózdiginshe jóndeýi sebep,- deıdi. Murjalaryn tazalamaý, sondaı-aq keıbiri gaz baǵanasyn jeldetkish qubyrǵa jalǵamaý da páterlerde ıis shyǵýyna ákelip soqqan. 
