Shymkentte 15 jasar bala ıis tıip, kóz jumdy

ShYMKENT. QazAqparat – Shymkenttegi úılerdiń birinde 15 jasar bala ıis tıip, kóz jumdy, dep habarlaıdy QazAqparat Otyrar.kz saıtyna silteme jasap.

Qaıǵyly jaǵdaı 26 naýryz kúni Erimbetov kóshesiniń boıyndaǵy úılerdiń birinde bolǵan. 15 jastaǵy jetkinshek pen onyń 12 jastaǵy inisine ıis tıgen.

Bul týraly QazTransGazAımaq kásipornynyń Shymkent óndiristik fılıalynan habarlandy.

12 jastaǵy bala aýyr jaǵdaıda aýrýhanaǵa jetkizildi. Al onyń aǵasy oqıǵa ornynda mert bolǵan. Oqıǵa ornyna jetken apat brıgadasy kóptegen keleńsizdikterdi anyqtady.

«Sý jylytatyn qurylǵynyń tútin shyǵatyn qubyry qabyrǵa arqyly syrtqa shyǵarylǵan jáne onyń jan-jaǵy polıetılen paketpen bekitilgen. Sý jylytatyn qurylǵynyń murjasy tútindi syrtqa tartpaıdy. Úı ishindegi gaz qurylǵylaryna qyzmet kórsetetin mekememen kelisim jasalmaǵan»,-delingen gazben qamtamasyz etý kompanııasynyń habarlamasynda.