Shymkentte 14 nysan karantın rejımin buzǵan

ShYMKENT. QazAqparat - Shymkentte sońǵy táýlikte 72 adam KVI juqtyrǵan. 16 adam ınfektsııalyq statsıonarǵa jatqyzylyp, 56 adam úı baqylaýyna alynǵan, dep habarlaıdy QazAqparat tilshisi.

Qalalyq ákimdiktiń málimetinshe, shaharda sanıtarlyq-epıdemıologııalyq talaptardyń saqtalýyna monıtorıng jumystary turaqty júrgizilýde. Ótken táýlikte qaladaǵy 373 nysanǵa tekserý jumystary júrgizilip, onyń ishinde 14 nysanda karantın rejıminiń talaptary buzylǵandyǵy anyqtalǵan.

«Qazirgi tańda mamandandyrylǵan ınfektsııalyq statsıonarlarda barlyǵy 1380 oryn bar. Ondaǵy tósek-oryn tolymdyǵy – 26,7%. 1012 tósek-oryn bos. Infektsııalyq statsıonarda 368 naýqas emdelýde» delingen habarlamada.