Shymkentte 14 myńdaı búldirshin balabaqsha kezeginde tur
ShYMKENT. QazAqparat - Shymkentte 14 myń búldirshin balabaqsha kezeginde tur. Sonyń bıyl 5 myńyna joldama beriledi. Bul týraly búgin Shymkent qalalyq bilim bólimi uıymdastyrǵan ashyq esik kúni sharasynda málim boldy, dep habarlaıdy QazAqparat HAA tilshisi.
Memlekettik jáne jekemenshik balabaqshalarǵa kezekke qoıý jáne joldama berý sharasyna ata-analar men sala mamandary shaqyryp, hzara pikir almasty. Balalardy kezekke qoıýdyń tártibi túsindirildi. Aıta keteıik búginde shym shaharda 385 mektepke deıingi mekeme bar bolsa, onyń 88-i ǵana memlekettik. Al, 271-i - jekemenshik sanalady. Qalǵan 26 balabaqsha - mektep janyndaǵy shaǵyn ortalyqtar. Qazir bul mekemelerde 53 myń bala tárbıelenip jatyr. Búldirshinderdi baqshamen qamtý kórsetkishi 87, 7 paıyzdy quraıdy. Aldaǵy 2020 jylǵa qaraı bul kórsetkish 100 paıyzǵa oryndalady degen jospar bar. Baqsha kezeginde turǵandarǵa jeńildikter tek arnaıy top ókilderine beriledi eken.
«Múgedekterdiń balalary, ata-anasynyń qamqorlyǵynsyz qalǵan balalar, jetim balalar, kópbalaly otbasynyń balalary, jeńildikter jáne kepildikter boıynsha soǵysqa qatysýshylar jáne soǵys múgedekterine teńestirilgen tulǵalardyń balalary ǵana osyndaı jeńildikterge qol jetkizip, kezektiń aldyńǵy qataryna shyǵarylady»,-deıdi Shymkent qalalyq bilim bólimi basshysynyń orynbasary Gúlzına Ýálıhanova.
Jalpy, jańa aqparattyq júıe sala jumysyn bir izge túsirdi. Turǵyndar balalaryn kezekke elektrondy júıede tirkeıdi. Bul óz kezeginde mektepke deıingi mekeme jumysynyń ashyqtyǵyn qamtamasyz etedi. Nátıjesinde ata-ana men qyzmet kórsetýshi arasynda baılanys kemip, sybaılas jemqorlyqtyń joly kesiledi. Qaǵazbastylyqqa da shekteý qoıylady.
