Shymkentte 13 jastaǵy qyzdy zorlamaq bolǵan qoıshy sottaldy

ShYMKENT. QazAqparat - Shymkentte 13 jastaǵy qyzdy zorlamaq bolǵan qoıshy sottaldy. Qalalyq qylmystyq ister jónindegi mamandandyrylǵan aýdanaralyq soty 19 jastaǵy jigitti 8 jyl 5 aıǵa bas bostandyǵynan aıyrdy, dep habarlaıdy Qazaqparat tilshisi.

Sýdıa Ábınur Qarabaev qaraǵan sot otyrysynda aıyptalýshynyń qalaı qylmys jasaýǵa oqtalǵany anyqtaldy. Belgili bolǵandaı jas jigit Qaınarbulaq eldi mekeniniń mańynda qoı baǵyp júrip, jasóspirim qyzdyń úıiniń esigin kiltpen ashyp jatqanyn baıqap qalady. Osy jerde ol aram oıyn iske asyrmaq bolyp, úıine kelgen. Alaıda jábirlenýshi bar daýysymen aıqaılap, kórshilerin kómekke shaqyrǵan. Sot úkimimen jasóspirimdi zorlamaq bolǵan qoıshy 8,5 jyl ómirin túrmede ótkizetin boldy.

Atalǵan sotta taǵy bir aıyptalýshyǵa 13 jyl bas bostandyǵynan aıyrý jazasy taǵaıyndaldy. Ábden ishimdikke boı aldyrǵan úsh balanyń ákesi áıelin baýyzdap óltirgeni úshin sottaldy.