Shymkentte 13 jastaǵy qyz gazdan ýlanyp, kóz jumdy

ShYMKENT. QazAqparat - Shymkentte 13 jastaǵy jasóspirim gazdan ýlanyp, qaza boldy. Qaıǵyly jaǵdaı Abaı aýdanyndaǵy jekemenshik úılerdiń birinde oryn alǵan, dep habarlaıdy QazAqparat tilshisi.

Qalalyq TJD málimetinshe, jasóspirimniń gazdan ýlanǵany týraly habarlama 5 qańtar, kúndizgi saǵat 15:30 shamasynda kelip túsken.

«Jeke úıde gaz kolonkasynyń aqaýynan 2005 jyly týǵan jasóspirim tabıǵı gazdan ýlanyp, oqıǵa ornynda qaıtys boldy. Oqıǵa ornyna TJ jáne polıtsııa departamentteriniń 5 qyzmetkeri barǵan. Qazirgi tańda qaıǵyly oqıǵanyń sebep-saldary anyqtalyp jatyr» delingen habarlamada.