Shymkentte 1290 medıtsına qyzmetkerine ústemeaqy tólendi
«Ústemeaqy alǵandar - reanımatsııa bólimderimen qosa alǵanda, juqpaly aýrýlar statsıonarlarynyń dárigerleri, karantındik aımaqtaǵy orta jáne kishi medıtsına qyzmetkerleri. Sondaı-aq provızorlyq statsıonar men jedel járdem qyzmetiniń dárigerleri men jedel-járdem júrgizýshileri», - dedi qala ákiminiń birinshi orynbasary Erbol Sadyr.
Qalalyq tótenshe jaǵdaılar jónindegi shtabynyń málimetinshe, medıtsına qyzmetkerleri jumysynyń qaýiptiligine qaraı 3 topqa bólingen.
«Birinshi sanattaǵy óte qaýipti jaǵdaıda jumys isteıtin 24 qyzmetkerge 8,7 mln teńge bólindi. Ekinshi sanattaǵy qalypty jaǵdaıda jumys isteıtin dárigerler men feldsherlerge, 845 medıtsına mamanyna 258,3 mln teńge tólendi. Úshinshi deńgeıdegi qaýipsizdik jaǵdaıynda jumys isteıtin 421 medıtsına uıymynyń qyzmetkerine 51,3 mln teńge qarastyrylǵan»,- deıdi qala ákiminiń birinshi orynbasary Erbol Sadyr.
Aıta keteıik, 11 sáýir kúngi jaǵdaı boıynsha qalada koronavırýs ınfektsııasynyń 33 jaǵdaıy tirkelgen. Eki naýqas aýrýynan aıyǵyp, aýrýhanadan shyǵaryldy.
